عندما سافر رجلا............
ياصاحبي لك ايام غايب..
ظامي على شوفك دقايق لو شهور
خوفتني والخوف ماهوبصايب..
اشقيتني والشقافيك معذور
شفني بعينك تشوف العجايب
قالوا مسافر؟قلت دربه زهور
قالوا بيطول؟قلت ماهوب غايب
قالوا رحل!!قلت عادي و ماجور
قالوا سعيد؟قلت لاشك خايب
قالوا تحبه؟زفرت آه(ن) لها جور
ونيت ونة عاشق من القلب شايب
دنقت واقفيت عاني ومكسور
ضميت حرفه والقلم والجوايب
ايه احبه والحشا منه مكسور
أي احبه وقلبي في محبته ذايب
أي احبه وغيبته كنها دهور
أي احبه وجرح فيني عطايب
أي احبه واعشقه عشق جمهور
لشاعر يطرب لقوله هبايب
ماقلت بي عشق ولاقلت محذور
ولاقلت بي طعنه ولاقلت عايب
الحب من الله ماله اسباب دستور
الحب من خالق له التشريع جايب
يارب رده تراه لمهجتي نور
ارجوك ياوسيع العطاوالوهايب
ارجوك يامنزل على محمدالطور
ياموزع الرزقه على صقوروخرايب
يارب رده حالتي شوق وبحور
بداخلي ونة لها الدمع رايب
بداخلي عفه تخافهاظلمة قبور
بداخلي خوف(ن)يخشاك حاضروغايب
يارب احبه وعارف الحال معذور
يارب رده ياكريم السحايب
ويا(....)خذني طايع بلا شور
خذني مابقى للشوق فيني طلايب..
هذا سؤالي جاك وانتظرنور.....!!
ولاخلاص ارحل وبلاش المصايب.
بقلمي
ليست هناك تعليقات:
إرسال تعليق